Franciu

El franciu^[1] (d'antiguo conocíu como eka-cesiu y actiniu K)^{[nota 1]} ye un elementu químicu que'l so símbolu ye Fr y el so númberu atómicu ye 87. El so electronegatividá ye la más baxa conocida y ye el segundu elementu menos abondosu na naturaleza (el primeru ye'l astato). El franciu ye un metal alcalín altamente radiactivu y reactivu que se desintegra xenerando astato, radiu y radón. Como'l restu de los metales alcalinos, namái tien un electrón na so capa de valencia.

Marguerite Perey afayó esti elementu en 1939. El franciu foi l'últimu elementu químicu descubiertu na naturaleza enantes de ser sintetizáu.^[2] Fora del llaboratoriu, el franciu ye desaxeradamente escasu, atopándose en traces en menas d'uraniu y de toriu, onde'l ²²³Fr ta de cutio formándose y desintegrándose. La cantidá de ²²³Fr na corteza terrestre nun momentu dau posiblemente nun entepase los 30 gramos; el restu de los isótopos son sintéticos. La mayor cantidá recuperada de cualesquier de los sos isótopos foi un clúster de 10.000 millones d'átomos (de ²¹⁰Fr) sintetizáu como un gas ultra fríu en Stony Brook en 1996.^[3]

1. ↑ Esti términu apaez nel Diccionariu de l'Academia de la Llingua Asturiana. Ver: franciu
2. ↑ Dellos elementos sintéticos, como'l tecneciu, fueron topaos dempués en formal natural.
3. ↑ CRC Handbook of Chemistry and Physics. Volume 4. Páxina 12. 2006. CRC. ISBN 0-8493-0474-1

Error de cita: Esisten etiquetes <ref> pa un grupu llamáu "nota", pero nun s'alcontró la etiqueta <references group="nota"/> correspondiente